មិនប្លែកមិនហៅ រំដួល លិចទឹក! ពេលនេះលោក យក«ផ្ការំដួល» តំណាងជាតិ មកច្នៃជារ៉ូបពិតជាស្អាតខ្លាំង….

ភ្នំពេញ៖ ជឿជាក់ថាប្រិយមិត្តប្រាកដជាបានស្គាល់ រំដួល លិចទឹក ​ដែលលោកជាអ្នកច្នៃម៉ូតម្នាក់មានប្រជាប្រិយភាព តែងតែយកផលិតផលខ្មែរមកច្នៃ ជាឈុតសម្លៀកបំពាក់ និងរបស់ប្រើប្រាស់ផ្សេងៗជាដើម។

យ៉ាងណាមិញ រំដួល លិចទឹក ជាអ្នកច្នៃម៉ូតម្នាក់ ​ដែលមានភាពច្នៃប្រឌិតខ្ពស់ អាចយករបស់របរដូចជា កន្ទេល ស្មៅ ផ្លែឈើ មកច្នៃជារ៉ូប ឬឈុតសម្លៀកបំពាក់បានយ៉ាងល្អប្រណីត។

ក្នុងនោះដែរ គេក៏បានដឹងថា ទោះលោកមិនបានចូលរៀននៅឯសាលា ដូចជាអ្នកច្នៃម៉ូតដទៃយ៉ាងណា តែដោយសារការស្រលាញ់ ទើបលោកមានចិត្តក្នុងការដើរលើវិស័យច្នៃម៉ូតមួយនេះឡើង ។

ជាការពិតណាស់ កាលពីថ្មីៗនេះ រូបលោកបានយកម្ជុលខ្ទាស់មកច្នៃជាសក់សម្រាប់ពាក់លើក្បាល ដោយមើលទៅពិតជាលេចធ្លោ និងប្លែកខ្លាំង​ធ្វើឲ្យហ្វេនជាច្រើន ពិតជាសរសើរដល់លោកយ៉ាងខ្លាំង ដែលគ្រប់ពេល តែងតែមានគំនិតថ្មីរកអ្វីដែលថ្មីច្នៃយ៉ាងប្លែកបែបនេះ។

តែអ្វីដែលកាន់តែអស្ចារ្យនោះលោកបានយក «ផ្ការំដួល» និងស្លឹក ដែលជាផ្កាដែលតំណាងជាតិ មកច្នៃជារ៉ូប​ឃើញហើយមិនសរសើរមិនបាន ព្រោះមើលទៅពិតជាប្លែកស្អាត ដូចឈុតក្រណាត់ធម្មតាយ៉ាងដូច្នោះ។

ក្រោយពីបានឃើញបែបនេះហ្វេនជាច្រើន ពិតជាពេញចិត្តដែលលោកមានគំនិតចេះយកផ្កាតំណាងជាតិ មកច្នៃបែបនេះ ដោយឈុតមួយនេះ ឈ្មោះ ឈុតរំដួលសហ័សសម័យ ២០២០៕

Leave a Reply