នៅកម្ពុជា កណ្តុរត្រូវបានគេចាត់ ទុកជាប្រភេទសត្វចង្រៃ ដែលតែងតែ កាត់បំផ្លិច បំ ផ្លា ញផលដំណាំ និងទ្រព្យ សម្បត្តិរបស់ប្រជាពលរដ្ឋ សឹង គ្រប់ទីកន្លែង ។ ប៉ុន្តែកណ្តុរ ក៏បានផ្តល់ផលប្រយោជន៍ដល់បងប្អូន ប្រជាពលរដ្ឋមួយចំនួន ដោយការប្រកបរបរដាក់ អង្គប់ ឬឆក់ ដើម្បីយកទៅលក់ ឲ្យឈ្មួញបានប្រាក់ សម្រាប់ ផ្គត់ផ្គង់ ជីវភាពគ្រួសារ បានមួយ កម្រិតដែរ ខណៈដែលសត្វកណ្តុរនេះ កំពុងមាន ទីផ្សារនាំចេញ ទៅក្រៅប្រទេស ។
ជួបជាមួយ បងប្អូនអ្នករក កណ្តុរនៅក្នុងស្រុកកៀនស្វាយ បានរៀបរាប់ ប្រហាក់ប្រហែលគ្នាថា ពួកគាត់ខ្លះ ក្រៅពីមុខ របរធ្វើស្រែចម្ការ ក៏ឆ្លៀតងាក មករក កណ្តុរលក់គ្រាន់ បានប្រាក់កាស ជួយដោះស្រាយ ជីវភាពបន្ថែម ជាពិសេស ក្នុងដំណាក់ កាលនៃវិបត្តិកូវីដ-១៩ ដែលកំពុង រីករាលដាល នាពេលបច្ចុប្បន្ន ។ របរចាប់កណ្តុរលក់នេះ ក៏ជួយឲ្យពួកគាត់ មិនពិបាក ធ្វើចំណាកស្រុកទៅរកការងារ ធ្វើនៅឆ្ងាយ ពីក្រុមគ្រួសារដែរ ។
តាមពិតទៅ ពួកគាត់ប្រកបរបរ ចាប់កណ្តុរលក់នេះ គឺម្នាក់ៗខ្លះ ជិត១០ឆ្នាំនិងខ្លះទៀតជាង ១០ឆ្នាំទៅហើយ ។ ចំពោះបច្ចេកទេស នៃការចាប់ក ណ្តុរ គឺនៅខែគោក យកផ្លែពោត ដាក់ចូលក្នុង អង្គប់ដើរ ដាក់តាមព្រៃនៅពេលយប់ លុះព្រឹកឡើងទើបដើរមើល ។ រីឯខែទឹក ដំឡើងត្រូវជិះទូក ប្រើឧបករណ៍ឆក់ មាន កន្ត្រងសម្រាប់ដួស កណ្តុរហែលទឹក ចេញពីត្រឹប មួយយប់ៗ បានពីជាង ៣០គីឡូក្រាមទៅជាង ៤០គីឡូក្រាម ។
កណ្តុរដែលចាប់បានទាំងនេះ គឺលក់ឲ្យឈ្មួញ ដែលចុះមកទិញ ដល់ចំណតទូក ហើយសម្រាប់គ្នា ២នាក់គឺក្នុង ១ថ្ងៃៗម្នាក់បានពី៥ម៉ឺនទៅ ៦ម៉ឺនរៀលដែរ គ្រាន់តែត្រូវស៊ូ អត់ ងងុយបន្តិច ។បងប្អូនអ្នករកស៊ីចាប់ កណ្តុរលក់ទាំងនោះនិយាយទៀតថា នៅខែវស្សា ស្រួលរកកណ្តុរជា ងខែប្រាំង ប៉ុន្តែសម្រាប់ ឆ្នាំនេះទឹកតូចរកកណ្តុរបាន តិចជា ងឆ្នាំមុនៗ ហើយលក់បាន តម្លៃទាបទៀត គឺ១គីឡូក្រាមត្រឹមតែ ៣.០០០ទៅ ជាង៣.០០០រៀលប៉ុណ្ណោះ ។ ចំណែកកាលពីឆ្នាំមុន ឈ្មួញទិញ១គីឡូក្រាម៤.០០០ទៅជាង៤០០០រៀលឯណោះ ។
រីឯឈ្មួញកណ្តាល ដែលមកប្រមូលទិញកណ្តុរ រស់ពីពលរដ្ឋ និយាយថា ជំនួញសត្វកណ្តុរនេះគាត់រកស៊ីជាង ១០ឆ្នាំហើយ ដោយដើរប្រមូលទិញដឹកយកទៅបោះលក់បន្តឲ្យឈ្មួញវៀតណាមត្រឹមបន្ទាត់ព្រំដែន ដែលគេមក សាងបន្តក្នុង១គីឡូក្រាមចំណេញ បានពី៥០០ទៅ ៦០០រៀល ។ ចំពោះវៀតណាម គេយកកណ្តុរទៅ ធ្វើអ្វីនោះរូបគាត់ជា ឈ្មួញកណ្តាល មិនបានដឹងទេ ដឹងត្រឹម តែថានៅវៀតណាម គេនិយមហូបកណ្តុរ ៕
