ជីវិតសង្ខារមិនទៀងនោះឡើយ ព្រោះថាមនុស្សយើងម្នាក់ៗ នៅលើភពផែនដីមួយនេះ គ្មាននរណាម្នាក់ អាចជៀសផុត ឬគេចផុតពីសេចក្ដី ស្លា ប់ បាននោះទេ។
មនុស្សគ្រប់រូបអាចដឹងពីថ្ងៃចាប់កំណើត ប៉ុន្ដែមិនមាននរណាម្នាក់ អាចដឹងពីថ្ងៃដែលខ្លួនត្រូវចែកឋាននោះឡើយ! គ្រប់ការជួបជុំទាំងអស់ គឺនឹងមានពេលវេលាណាមួុយ ដែលនឹងត្រូវបែកគ្នា ព្រោះនេះ គឺជាច្បាប់នៃធម្មជាតិ បានកំណត់រួចរាល់ទៅហើយ។
ជាក់ស្ដែង កាលពីពេលថ្មីៗកន្លងទៅនេះ នាថ្ងៃទី២៨ ខែតុលា ឆ្នាំ២០២០ ស្រ្ដីម្នាក់មានឈ្មោះ ណាណា អាយុប្រហែល ៣០ឆ្នាំ មុខរបរបម្រើការងារជា ចុងភៅ នៅសណ្ឋាគារដ៏ល្បីល្បាញបំផុតមួយ ក្នុងរាជធានីភ្នំពេញ បានជួបរឿងអកុសលមួយ រហូតទទួលមរណភាព ទាំងវ័យក្មេង ចាកចោលសាច់ញាតិ ប្ដី ជាពិសេសកូន ដែលទើបតែសម្រាលមិនបានប៉ុន្មាន ក៏ព្រោះដោយសារតែ ជំងឺ រលាកស្រោមខួរ បានឆក់យកជីវិតរបស់គាត់ទៅ។
ក្នុងនោះដែរ បើយោងតាមរយៈគេហទំព័រ ហ្វេសប៊ុក មួយមានឈ្មោះ Visal Phoung Saing ត្រូវជាស្វាមី នៃ ស ព បានបង្ហោះសារមួយឃ្លាថា៖”បើមានជាតិក្រោយ ជាតិណាណាទាំងអស់ ពួកយើងទាំង២នាក់ និងធ្វើជាប្ដីប្រពន្ធនឹងគ្នារហូតណាអូន សូមអូនទៅអោយបានសុខចុះ បងនឹងមើលថែកូន នឹងពុក ម៉ែ ហើយនឹងផ្ដល់ភាពកក់ក្ដៅនឹងការស្រលាញ់ដូចកាលដែលអូននៅជិតបង”។
