ភ្នំពេញ នាពេលថ្មីៗនេះ លោកស្រី ទ្រី ដាណា និងស្វាមី បានចំណាយថវិកាផ្ទាល់ខ្លួនយ៉ាងច្រើន ជាមួយអំណោយ បានយកទៅចែកជូនបងប្អូនប្រជាពលរដ្ឋ ដែលកំពុងតែរងគ្រោះដោយសារតែទឹកជំនន់ តាមតំបន់ផ្សេងៗ ដែលទង្វើរទំាងនេះកើតចេញពីក្តីអាណិត ចំពោះពុកម៉ែបងប្អូនដែលជួបរឿងបែបនេះ។
នៅមិនទាន់អស់ទេ លុះមកដល់ថ្ងៃទី ២៣ ខែតុលា ឆ្នាំ ២០២០ ទើបកន្លងផុតទៅប៉ុន្មានថ្ងៃនេះទៀត លោក ហ៊ីង បញ្ញារិទ្ធ និងលោកស្រី ទ្រី ដាណា ឧបត្ថម្ភថវិកា ២ម៉ឺនដុល្លារ ជូនកាកបាទក្រហមកម្ពុជា សម្រាប់ជួយដល់ប្រជាពលរដ្ឋរងគ្រោះដោយទឹកជំនន់ ថែមទៀតផង។ នេះបើយោងតាមការបញ្ជាក់ពី ហ្វេសប៊ុកផេក កាកបាទក្រហមកម្ពុជា។
មួយវិញទៀត ជាការថ្លែងអំណរគុណ ដល់សប្បុរសជនទំាងឡាយ ដែលបានចូលរួមបរិច្ចាគថវិកាផ្ទាល់ខ្លួន ក្នុងការជួយពុកម៉ែបងប្អូន ដែលកំពុងរងគ្រោះនេះ និងបងៗកងកម្លាំង គេឃើញ លោកស្រី ទ្រី ដាណា
បានចេញបទចម្រៀងមូយបទ ក្រោមចំណងជើងថា “ឆ្នាំនេះភ្លៀងជន់ធំ” ដែលជាការនិពន្ធទំនុច្រៀងថ្មី ដោយ ហត្ថា ខ្មែរ និងនិពន្ធបទភ្លេងថ្មី ដោយ រក្ស កាលពីថ្ងៃទី ២២ ខែតុលា ឆ្នាំ ២០២០ កន្លងទៅនេះ។
លុះមកដល់ព្រឹកមិញនេះ នាថ្ងៃទី ២៥ ខែតុលា ឆ្នាំ ២០២០ បទ “ឆ្នាំនេះភ្លៀងជន់ធំ” បកស្រាយដោយ ពូម៉ៅ ដែលត្រូវជាស្វាមី ថៅកែហាងពេជ្រ ម្តង ស្តាប់ទៅពិតជាលន្លង់លន្លោចណាស់ កាន់តែស្តាប់ កាន់តែពីរោះ លាយឡំជាមួយអត្ថន័យដ៏មានន័យក្នុងបទចម្រៀងនេះថែមទៀត។
ស្តាបចប់ភ្លាម ហ្វេនៗជាច្រើន របស់ ពូម៉ៅ បានចូល comment ព្រាត ថា ៖ ចិត្តល្អហើយ ច្រៀងពីរោះទៀត, ពីរោះដូចគ្នាស័ក្តិសមនឹងគ្នាណាស់, ពីរោះម្យ៉ាង តែមានអត្ថន័យល្អខ្លាំងណាស់ បង, ប្តីប្រពន្ធចៀងពីរោះដូចគ្នា ហើយកំសត់ទៀត, សែនអាណិតអ្នករងគ្រោះដោយទឹកជំនន់ រយលានអត្ថន័យ, ពីរោះមិនចាញ់បងស្រីប៉ុន្មានទេ។
ព្រមទំាងនៅមានពាក្យជាច្រើនទៀត ដែលសរសើរពូម៉ៅ ច្រៀងមួយបទនេះ។ ដូចនេះ ដើម្បីជ្រាប កាន់តែច្បាស់បន្ថែមទៀត សូមស្តាប់ និងទស្សនាទំាងអស់គ្នា ៖
សូមទស្សនាវីដេអូខាងក្រោមនេះ
សូមទស្សនាវីដេអូខាងក្រោមនេះ
