វត្តយាយទេពទឹកដីព្រេងនិទាននៅខេត្តកំពង់ឆ្នាំង អាយុកាល ៣៤១ ឆ្នាំ មានប្រវត្តិដ៏អស្ចារ្យ

​បើ​លោកអ្នក ​បានធ្វើ​ដំណើរ​ទៅកាន់​ខេត្តកំពង់ឆ្នាំង​នោះ ​សូមកុំ​ភ្លេច​ទៅ​ថ្វាយបង្គំ​សុំ​សេចក្តីសុខ នៅវត្ត​យាយ​ទេព នៅ​ផ្សារ​ក្រោម ​រហូត​មកដល់ពេលនេះ​ វត្តនេះមាន​អាយុកាល ៣៤១ ឆ្នាំ​ហើយ ។ ចាប់​តាំងពី​បុរាណ​រហូតមកដល់​ប​ច្ចុប្ប​ន្ន​នេះ ​វត្ត​យាយ​ទេព ​នៅតែមាន​ភាពល្បីល្បាញ​ខាងជំនឿដដែល ។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

បើ​លោកអ្នក​មានបំណង​ទៅ​វត្ត​យាយ​ទេព គ្រាន់តែ​ធ្វើដំណើរ​ពី​ចំណត​រថយន្តក្រុងកំពង់ឆ្នាំង ឆ្ពោះទៅ​ទិស​ខាងជើង តម្រង់​ទៅ​កំពង់ផែផ្សារ​ក្រោម​ចម្ងាយ​ប្រមាណជា ២ គីឡូម៉ែត្រ​ នៅ​ខាងឆ្វេង​ដៃ ​ជា​អាងទឹក​រដ្ឋាករទឹកខេត្ត ។ ​រី​ឯ​នៅខាងស្តាំ​ដៃ​គឺ​ជាទី​អារាម​វត្ត​យាយ​ទេព​ ដែល​បច្ចុប្បន្ន​បាន និង កំពុង​តែមាន​ការចាប់អារម្មណ៍​ពី​ខាង​ជំនឿ និង​ មានការ​ទាក់ទាញ​ភ្ញៀវទេសចរ​ផងដែរ ។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​វត្ត​ពោធិ​តា​រាម ​ហៅ វត្ត​យាយ​ទេព ស្ថិតនៅ​ក្នុង ភូមិ​ផ្សារឆ្នាំង ឃុំ​ផ្សារឆ្នាំង ក្រុង​កំពង់ឆ្នាំង ខេត្ត​កំពង់​ឆ្នាំង វត្តនេះសង់​នៅលើ​ផ្ទៃដី​ទំហំ​ជាង ២ ហិកតា ​ចាប់តាំងពីក​កើតជាទី​អារាម​តាំងពី​ឆ្នាំ ១៦៧៧ រហូតមកដល់ពេលបច្ចុប្បន្ននេះគឺ​មាន​អាយុកាល ៣២៥ ឆ្នាំ​ហើយ ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​តាម​ឯកសារ​ចងក្រង​ដោយ​មន្ទីរ​វប្ប​ធម៌ និង វិចិត្រ​សិ​ល្បៈ ខេត្កំពង់​ឆ្នាំង បានឱ្យដឹងថា​ កាលពីដើមឡើយ ​ទី​អារាម​នេះ​គឺជា​កម្មសិទ្ធិ​របស់លោក​យាយ​ទេព ​ដោយ​កាលនោះ ​ដី​មាន​ទំហំ​ប្រមាណ​ជា ៥ ហិកតា​កន្លះ ​នៅ​​ចំណុច​ទី​អារាម​សព្វថ្ងៃ​គឺជា​ទីទួល​មួយ​ដែល​កាលពីមុន​ ជាទី​លំនៅ​របស់​លោកយាយ​ទេព ហើយ​នៅលើ​ទីទួល​មាន​ដើម​ពោធិ​មួយ​ដើម​ធំ​ និង ​ព័ទ្ធជុំវិញ​ដោយ​ផ្ទៃ​ទឹក​ល្ហល្ហាច​ ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ដោយ​លង់​ក្នុង​ជំនឿ​ស៊ុប​នោះ ​លោក យាយ​ទេព ក៏ បាន​បរិ​ច្ចាគដី ​ដែលជា​ទីលំនៅ​របស់ខ្លួន ទុក​ធ្វើជា​ទ្រព្យសម្បត្តិ​គរុភណ្ឌ​ដើម្បី​ផលប្រយោជន៍​សាធារណៈ ហើយ​ក៏បាន​ផ្តួច ផ្តើមគំនិត​ដើរ​កៀរគរ​អ្នកស្រុក​ឱ្យគេ​មកជួយ​កសាង​ពន្លៃ​ធ្វើជា​ទីសក្ការៈ​បូជា​តាមផ្លូវ​ព្រះពុទ្ធសាសនា​ជារៀងរហូតមក ។ ​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ប៉ុន្តែ​ក្រោយមកទៀត ទីនេះ​ក៏​ក្លាយ​ជាទី​អារាម​មួយ​យ៉ាង​ល្អ ​ដោយ​ស្មារតី​លះបង់ និង ទឹកចិត្តជ្រះថ្លា​ដ៏​ធំធេង​​របស់លោក​យាយ​ទេព​លើផ្លូវ​ព្រះពុទ្ធសាសនារួចមកនោះ ​អ្នកស្រុក​ក៏បាន​ឯកភាពគ្នា​ដាក់ឈ្មោះ វត្ត​នេះ​ទៅជា​ «​វត្ត​ពោធិ​តា​រាម​»​ ហៅថា​វត្ត« យាយ​ទេព» ​រហូតមកដល់​សព្វ​ថ្ងៃនេះ​ ។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ទាក់ទង​ដល់​សេចក្តី​ជ្រះថ្លា​របស់លោក​យាយ​ទេព ពោលគឺ​ក្រោយពេល​គាត់​ធ្វើ មរណៈកាល ទៅ ​អ្នកស្រុក​បាន​និយាយ​តៗ​គ្នា​ថា ព្រលឹង​យាយ​ទេព​បានមក​សណ្ឋិត​នៅ​នឹង​ដើម​ពោធិ​ ហើយ​មាន​ចេស្តា​បារមី​សក្តិ​សិទ្ធិ​ធ្វើឱ្យ​អ្នកស្រុក​មាន​ជំនឿ​គោរពបូជា​រៀង ​រហូតមក​ និង ​រហូត​កវីនិពន្ធ​យើង​ជំនាន់​មុន​បាន​ចារ​ជា​ទំនុក​បទ​ច្រៀង​ទាក់ទង​នឹងបារមី​យាយ​ទេព​នេះ​ថែម​ទៀតផង​ដូចជា បទ ​«​ចំប៉ា​ផ្សារលើ​» ​ជាដើម។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រោយពី​ចូលទៅក្នុង​អារាម ​«​យាយ​ទេព​»​ យើង​អាច​បន្តដំណើរ​តាមផ្លូវ​ដដែល​ឆ្ពោះទៅ​មាត់ទន្លេ​ផ្សារ​ក្រោម​ចម្ងាយ​ប្រមាណជា ៨០០ ​ម៉ែត្រ​នោះ ​យើង​នឹង​ទៅដល់​មាត់ទន្លេ ផ្សារ​ក្រោម ​ដែលមាន​កំពង់ផែ​ទេសចរណ៍ និង សួនច្បារ​ ដែល​អាជ្ញាធរខេត្ត​បានរៀបចំ​អភិវឌ្ឍ​ឡើង​ក្នុង​ដើមឆ្នាំ ២០១០​។ ភ្ញៀវទេសចរ​ក៏​អាច​ទស្សនា​នូវ​ទេសភាព​មាត់ទន្លេសាប កំពង់ផែ​ នា​ទិដ្ឋភាព​ភ្នំ​នាង​ក​ង្រី​ដែល​គេធ្លាប់តែ​ឮ​នៅក្នុង​រឿងព្រេង​និទាន​ ៕

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Leave a Reply