ខ្លោចចិត្ត​ណាស់​លោក​អើយ​! អ្នកស្រី​ ទ្រី ដា​ណា ថា​ជួយ​ព្យាបាល​គាត់ តែ​ឥឡូវ​យឺត​ពេល​ហើយ

អ្នកស្រី ទ្រី ដា​ណា ថៅកែ​ហាង​ពេជ្រ​ចិត្តធម៌ នៅ​ព្រឹក​ថ្ងៃទី​១៣ ខែសីហា ឆ្នាំ​២០២០​នេះ បាន​សម្ដែង​សេចក្ដី​អាណិត​ខ្លោចចិត្ត​ចំពោះ​ទារក​ម្នាក់​ជា​ខ្លាំង ព្រោះ​បំណង​អ្នកស្រី​ថា​នឹង​ជួយ​ព្យាបាល​ក្មេង​នេះ វា​យឺត​ពេល​ទៅហើយ។

អ្នកស្រី បាន​បង្ហោះ​រូបភាព​ក្មេង​ម្នាក់​នេះ អមដោយ​ខ្លឹមសារ​បែបនេះ​ថា «​ខ្លោចចិត្ត​ណាស់​លោក​អើយ​😭😭😭 ថា​ជួយ​ព្យាបាល​គាត់ តែ​ឥឡូវ​យឺត​ពេល​ហើយ គាត់​លា​ទៅវិញ​ហើយ យប់មិញ​នេះ អាយុ​ទើប​ជាង៦​ខែ​។

ឈឺ​តាំងពី​អាយុ​ជាង ១​ខែ លឺ​ថា​របេង​សួត ហើយ​ចូល​ព្យាបាល​នៅ​ពេទ្យ​កុមារ​ជាតិ​ដែរ តែ​ទ្រាំទ្រ​មិនបាន​។ ខ្ញុំ​មានតែ​ចូលរួម​រំលែក​ទុក្ខ​ក្រុមគ្រួសារ​នូវ​ថវិកា ៥០០​ដុល្លារ សូមឱ្យ​ក្មួយ​ទៅបាន​សុខ ហើយ​កើត​ជាតិ​ក្រោយៗ មាន​អាយុ​វែង​ដូច​គេឯង​🙏🙏🙏​គាត់​ធ្វើបុណ្យ នៅ​ជិត​ស្ពាន​ព្រែ​កតា​មាក់ ខេត្តកណ្ដាល​»​។​

តាមរយៈ​ដំណឹង​ដ៏​អកុសល​នេះ មហាជន​ជាច្រើន បាន​សម្ដែង​ក្ដី​អាណិតអាសូរ ព្រមទាំង​ចូលរួម​រំលែក​ទុក្ខ​ចំពោះ​ក្រុម​គ្រួសារ​សព ហើយ​ក៏បាន​បួងសួង​កុំ​ឲ្យ​ជាតិ​ក្រោយ រូបគេ​មាន​វាសនា​អភ័ព្វ​ដូច​ជាតិ​នេះ​ទៀត​។​

​ជាក់ស្ដែង​ពួកគាត់​បាន បញ្ចេញយោបល់​ថា «​ខ្លោចចិត្ត​ណាស់​ចិត្តជា​ម្ដាយ​មិនដឹង​ស្លុត​យ៉ាងណាទេ​លោក​អើយ​ក្មួយ​ជីវិត​អស់​ត្រឹមនឹង​សូម​កើត​ជាតិ​ណាៗ​មាន​សុខ​ភាពល្អ​អាយុ​វែង​ដូច​គេ​ដូច​ឯង»​។ «​ពិតជា​សោកស្ដាយ​ណាស់​បងស្រី​អើយ សូមអោយ​ក្មួយ​ទៅអោយ​សុខ​»​។ «​អាណិត​ណាស់​កូន​សូមអោយ​កូន​កើត​ជាតិ​ណាៗ​អោយមាន​សុភាព​ល្អ​អាយុ​វែង​កុំអោយ​ដូច​ជាតិ​នេះ​»​។

«​ខ្លោចចិត្ត​ណាស់ ម្តាយ​គាត់​គួរតែ​ស្វែងរក​ជំនួយ​តាំងពី​គាត់​កើត​ភ្លាម ក្រែង​មាន​អ្នក​ចិត្ត​ធ​ម៌​ដូច​បង​ជួយ​»​។ «​សុំ​ចូលរួម​រំលែក​ទុក្ខ​ប្អូន​ផង ឃើញ​មើលទៅ​ប្អូន​ឈឺ​ពិ​បាក​ក្នុង​ខ្លួន​បើ​ទៅ​ក៏​ល្អ​ព្រោះ​ប្អូន​ឈឺ​ពិបាក​ខ្លួន​គួរ​ឲ្យ​អាណិត​ណាស់​»៕​

Leave a Reply