កា​កា ទម្លាយ​ខ្សែ​ជីវិត​របស់​ខ្លួន​កាលពីមុន ជា​មនុស្ស​ចោលម្សៀត ហើយ​ផ្ដាំ​ទៅ​បងប្អូន​ថា​…

ភ្នំពេញ ៖ កា​កា​អូស្ត្រាលី នៅ​ល្ងាច​ថ្ងៃ​ទី​២៤ ខែ​កក្កដា ឆ្នាំ​២០២០​នេះ បាន​ទម្លាយ​ខ្សែ​ជីវិត​របស់ខ្លួន​កាលពីមុន ចែករំលែក​ឲ្យ​បងប្អូន​បានដឹង និង​ផ្ដាំផ្ញើ កុំ​ចុះចាញ់ ត្រូវ​ចេញ​ឲ្យ​ឆ្ងាយ​ពី​អតីតកាល​ក្លាយទៅជា​មនុស្ស​ថ្មី​ក្នុង​សង្គម។

កា​កា បាន​បង្ហោះ​សារ​អមដោយ​រូបថត​ខ្លួន​កំពុង​បីកូន​នៅ​លើ​ទំព័រ​ហ្វេ​ស​ប៊ុ​របស់ខ្លួន​ដូច្នេះ​ថា «​ពីមុន​ខ្ញុំ​គ្រាន់តែ​ជា​ម​នុស្ស​ចោលម្សៀត​ម្នាក់​ដែល​គ្មាន​អ្នកណា​គេ​ចង់​រាប់អាន​គ្មាន​អ្នកណា​គេ​ចង់​ស្គាល់ សូម្បីតែ​គោះទ្វារ​ផ្ទះ​គេ​សុំ​ទឹក​ផឹ

ក​មួយ​កែវ​ក៏​គេ​មិន​បើកទ្វារ​ឲ្យ​ដែរ ម៉ោង​នេះ​ថ្មើរ​នេះ​ពេលនេះ​ខ្ញុំ​អង្គុយ​នៅត្រង់​កន្លែង​នេះ សម្លឹង​មើល​មុខ​កូនប្រុស​ជាទី​ស្រឡាញ់​របស់ខ្ញុំ អង្គុយ​គិត​អំពី​ជីវិត​របស់ខ្ញុំ​ពីមុន​ប្រៀបធៀប​ជាមួយ​នឹង​ឥឡូវ​»​។​

អាណិកជន​ខ្មែរ​រស់នៅ​ប្រទេស​អូស្ត្រាលី​រូប​នេះ​បន្ត​ថា «​ខ្ញុំ​អាច​ចែករំលែក​ប្រាប់​អ្នក​ទាំង​អស់​គ្នា​ថា ជីវិត​យើង​មាន​ព្យុះ​មាន​ភ្លៀង​ តែងតែ​មាន​ផ្គរលាន់ មិន​ថា​ពេលណា​ផុត​នៅ​ក្នុង​កាលៈទេសៈ​ណា​ក៏​ដោយ

ក៏​យើង​នៅតែ​មាន​មនុស្ស​ចាំ​ជាន់​ឈ្លី​ចង់​ជាន់​ពន្លិច​ប្រកួតប្រជែង​ចាំ​កាច់​ត្រួយ​យើង​គ្រប់​ពេល ដូច្នេះ​បើ​យើង​ដើរចេញ​ឆ្ងាយ​ពី​អតីតកាល​ក្លាយទៅជា​មនុស្ស​ថ្មី​នៅ​ក្នុង​សង្គម​ហើយ

សូម​កុំ​ងាក​ក្រោយ​ព្រោះ​មនុស្ស​យើង​មិន​អាច​ដើរ​ទៅ​មុខ​ទាំង​ក្បាល​នៅ​សម្លឹង​មើល​ខាងក្រោយ​ខ្នង​ទេ ដូច្នេះ​ឱ្យ​អ្នកណា​និយាយ​អី​និយាយ​ទៅ​ធ្វើ​អី​ក៏​ធ្វើ​ទៅ​សំខាន់​យើង​ត្រូវតែ​ធ្វើជា​ខ្លួនឯង​ទើប​លេចធ្លោ»។

ជាមួយ​គ្នា​នេះ អ្នកនាង បាន​សម្ដែង​អារម្មណ៍​ទៀត​ថា «​អរគុណ​កូន​សម្លាញ់​ដែល​កូន​បាន​ចូល​មក​ជីវិត​ម៉ាក់ ហើយ​ធ្វើ​ឲ្យ​ម៉ាក់​គិត​ពី​កូន​គ្រប់ពេលវេលា ព្រោះ​ការដែល​ម៉ាក់​បាន​គិត​ពី​កូន វា​ធ្វើឱ្យ​ម៉ាក់​ដឹង​ថា ​តួនាទី​ជា​ម្ដាយ​ម៉ាក់​គួរ​ធ្វើ​អ្វីខ្លះ​ដើម្បី​អនាគត​កូន ​

និង​អនាគត​គ្រួសារ​ទាំងមូល ដាក់ឈ្មោះ​ខ្មែរ​ឱ្យ​កូន​ថា​ចំរើន​ពិតជា​ធ្វើ​ឲ្យ​គ្រួសារ​រីកចម្រើន​មែន កូន​ជា​កូន​មាស​កូន​ពេជ្រ​កែវភ្នែក​របស់​ម្ដាយ thank you I love you my lil Lukas Chamroeurn Sean »៕

Leave a Reply