គាំទ្រពេញទំហឹង! តារាសម្តែងមាន សូ​នី​តា បានបង្ហោះសារយ៉ាងចាក់ដោតថា គ្មាន​មនុស្ស​ជោគជ័យ​ឯណា៎ ល្អឥតខ្ចោះ​ដោយ​គ្មាន​ការ

ភ្នំពេញ​ ៖​ ប្រិយមិត្តអ្នកគាំទ្រជាច្រើនបានជ្រាបដឹងហើយថា តារា​សម្ដែង ត្រូវ​បាន​គេ​ស្គាល់​ថា រាជិនី​ក្រមា មាន សូ​នី​តា ពេល​ឈានចូល​វ័យ​រាង​ជ្រេ​បន្តិច ហាក់​កាន់តែ​លេងខ្លួន​ខុសប្លែក​ពី​ពេល​មុនៗ ហើយក៏​តែងតែ​បញ្ចេញ​ទស្សនៈ​ជាច្រើន​ពាក់ព័ន្ធ​នឹង​រឿង​ស្នេហា មុខ​ជំនួញ​ជាដើម​។

​ដោយឡែក កាលពី​រសៀល​ម្សិលមិញ​នេះ តារា​សម្ដែង​មាន សូ​នី​តា បានបង្ហាញ​ទស្សនៈ​ថា «​មនុស្ស​មួយចំនួន​ត្រូវបាន​ភាពមិន​ពិតប្រាកដ​ដកហូត​សតិ រហូតដល់​ថ្នាក់​ភ្លេច​ថា​ខ្លួន​ជា​អ្នកណា ខ្លួន​ចង់បាន​អ្វី ហើយ​ចាត់ថ្នាក់​សេចក្តីសុខ​ទៅក្នុង​ការសម្រេចចិត្តរ​បស់​អ្នកដទៃ​…»​។

​ក្នុងនោះដែរ ​នៅ​រសៀល​ថ្ងៃ​ដដែល​នោះ សូ​នី​តា បានលើកឡើង​ពាក់ព័ន្ធ​នឹង​កំហុស​ថា «​កំហុស​ខ្លះ​និយាយ​ពាក្យ​សុំទោស​មិន​បានទេ​…​ហើយក៏​មិនអាច​ត្រលប់មក​ដូចដើម​វិញ​បានដែរព្រោះ​ដល់ពេល​វេលា​ដែល​អ្នក​បាន​អស់​ឱកាស​ប្រើពាក្យ សុំទោស នេះហើយ !

រឿង​ខ្លះ​វា​កើតឡើង​លឿន​ពេក​សឹងតែ​មិនអាច​ទទួលយក​…»​។​​យ៉ាងណាមិញ ក្រោយមក នៅ​យប់​ថ្ងៃ​ដដែល​នោះ រាជិនី​ក្រមា​រូបនេះ បាន​បង្ហោះ​សារ​ពាក់ព័ន្ធ​នឹង​មេរៀន​ជីវិត​ថា «[ មេរៀន​ជីវិត …. ] គ្មាន​មនុស្ស​ជោគជ័យ​ឯណា៎ ល្អឥតខ្ចោះ​ដោយ​គ្មាន​ការបរាជ័យ​នោះទេ …​

ជំនួស​ឱ្យ​ការខិតខំ​ប្រឹងប្រែង​កសាង​ខ្លួនឯង​ក្លាយជា​មនុស្ស​ជោគជ័យ​ម្នាក់ រៀន​ពី​ភាពបរាជ័យ​របស់ខ្លួន​ឯង​ថា​…នៅពេលដែល​យើង​បរាជ័យ​លើ​រឿង​អ្វីមួយយើង​តែងតែ​ទទួលរង​ការរិះគន់ ការ​មាក់ងាយ ការវាយតម្លៃ​មិនចេះ​ឈប់ឈរ​ពី​អ្នកដទៃ ហើយ​ខំប្រឹង​ទោះជា​យើង​បរាជ័យ​ក្រោមរូបភាព​ណាមួយ​ក៏ដោយ

អ្វីដែល​យើង​គួរ​ធ្វើ​មុនគេ​នោះ​គឺ​យើង​មិនត្រូវ​បោះបង់​ខ្លួនឯង ការតាំង​ចិត្ត និង​ជឿជាក់​លើ​អ្វីដែល​យើង​គួរតែ​ធ្វើ ទោះបីជា​វា​មានការ​លំបាក​យ៉ាងណាក៏ដោយ មនុស្ស​ដែល​ស្គាល់​ខ្លួនឯង​គឺជា​មនុស្ស​ដែល​ហ៊ាន​ទទួលស្គាល់​ការពិត​គ្រប់យ៉ាង ហើយ​ប្រាកដ​ថ្ងៃ​ណាមួយ​យើង​នឹង​ទទួលបាន​ជោគជ័យ​ពិតប្រាកដ​»៕​ ប្រភព៖តារា

Leave a Reply