អីយ៉ា! ខួប​កំណើត​កូន​ខ្លួន​គម្រប់​២​ឆ្នាំ គង់ ចាន់​ស្រីមុំ ញញឹម​បិទ​មាត់​មិន​ជិត រួច​បង្ហោះ​សារ​ថា…

ភ្នំពេញ​ ៖ ​ អ្នក​នាង គង់ ចាន់​ស្រី​មុំ បើ​ទោះបី ពុំ​សូវ​លេច​មុខ​ចេញ​សម្ដែង ដូច​កាលពីមុន​យ៉ាង​ណាក្ដី​ក៏​មហាជន ​ជាច្រើន​​​នៅតែ​ចាប់អារម្មណ៍​​ ​ ​តាមរយៈ​សកម្មភាព​រស់​នៅ​ប្រចាំថ្ងៃ ​​​របស់​អ្នកនាង​ផ្ទាល់ ​រួម​នឹង​គ្រួសារ​ផង​ដែរ។

ជាក់ស្ដែង​ថ្ងៃនេះ​ផង​ដែរ​ ជា​ថ្ងៃ​ខួប​កំណើត​កូន​ស្រី​ជា​ទី​ស្រឡាញ់​របស់​ខ្លួន​ឈ្មោះ គឹម សីហ៍​មរកត ហៅថា «​ម៉ូ​ម៉ូ​»គម្រប់​២​ឆ្នាំ, ​អ្នក​នាង​គង់ ចាន់​ស្រីមុំ ​បាន​រៀបចំ​តុបតែង​ពិធី​​ ​យ៉ាង​ស្រស់​ស្អាត ​អម​ដោយ​នំ​ខេក​យ៉ាង​ធំ ​ហើយ​បង្ហោះ​​​រូបថត​៣​នាក់ ​ឪពុក​ម្ដាយកូន ​​យ៉ាង​ទាក់ទាញ ជាមួយ​នឹង​ទឹក​មុខ​ញញឹម ​ចូល​ទៅ​ក្នុង​បណ្ដាញ​សង្គម ​អ៊ីនស្ដាក្រាម និង​ហ្វេសប៊ុក។

បង្ហោះ​សារ​អម​ដោយ​រូប​ភាព​យ៉ាង​ស្រស់​ស្អាត​ទាំង​នេះ ​គង់ ចាន់​ស្រី​មុំ ​បាន​សរសេរ​ថា «រីករាយ​ថ្ងៃ​ខួប​កំណើត​ព្រះនាង​កូន តើ​អ៊ំ​ ពូ​ មីង​ មាន​អ្វី​ជូនពរ​អូនទេចា៎ Happy birthday my little princess ​ ​kem seimorokot momo»។

ជាមួយ​នឹង​ការ​ស្នើ​សុំ​បែប​នេះ ​អ្នកគាំទ្រ​អ្នក​នាង ​បាន​បញ្ចេញ​មតិ​ជា​ការ​ជូនពរ​​​ដូច្នេះ​ថា «ជូនពរ​momoឲ្យ​កាន់តែ​ស្អាត​ឆ្លាត​ និង សុខកាភាពល្អ។ «ខួប​កំណើត ​MoMo ទេ​ តែ​កុំមើល style Mommy»។ «មើល​ទៅ​ មាន​សុភមង្គល​ខ្លាំង​ណាស់​បង​ជូនពរ​ អោយ​ក្មួយ​រៀន​ពូកែ​ ធំឡើង​ធ្វើជា​ក្មេងល្អ​របស់ម៉ាក់ប៉ា»…។

គួរ​បញ្ជាក់​ថា ​អ្នក​នាង ​គង់ ចាន់ស្រីមុំ ​និង​លោកគឹម សីហា ​ បាន​ចូល​រោងការ ​កាលពី​ថ្ងៃ​ទី​១៤ ខែ​មីនា ឆ្នាំ​២០១៦ ក្រោម​ទឹកមុខ​រំភើប​រីករាយ​គ្មាន​អ្វី​ផ្ទឹម​ជាមួយ​វត្តមាន​ភ្ញៀវកិត្តិយស ដែល​ភាគច្រើន​ជា​អ្នក​សិល្បៈ​នោះ។ ពិធី​មង្គលការ​នេះ មាន​ភ្ញៀវ​ចូលរួម​ប្រមាណ​៥០​តុ​ឯណោះ ដោយបាន​ប្រព្រឹត្តិ​ទៅ នៅឯ​សណ្ឋាគារ​លំដាប់​ផ្កាយ​៥ សូ​ហ្វី​តែ​ល ភោគី​ត្រា ភ្នំពេញ​។​

ក្រោយ​រៀបការ តារា​ស្រី​រូប​ស្រស់ អ្នកនាង​គង់ ចាន់​ស្រីមុំ ក៏​ទទួលបាន​ចំណងដៃ​កូនស្រី​ម្នាក់ និង បានធ្វើការ​វះកាត់​សម្រាល​ដោយ​ជោគជ័យ កាលពី​ព្រឹក​ថ្ងៃទី​០៧ ខែកក្កដា ឆ្នាំ​២០១៨ ដោយ​ដាក់ឈ្មោះថា គឹម សីហ៍​មរកត ហៅថា «​ម៉ូ​ម៉ូ​»៕

Leave a Reply