អ្នកនិពន្ធ បទ «អ្នក​ព្រៃវែង​អាក្រក់​ត្រង់ណា» បានចេញមុខបកស្រាយ និង សុំទោស​ជា​សាធារណៈ​ហេីយដោយលើកហេតុផលថា (មានវីដេអូ)

ភ្នំពេញ ៖ ជឿជាក់ពុកម៉ែបងប្អូនជាច្រើនបានទទួលជ្រាបដឹងហើយចំពោះការ​ប្រតិកម្ម​ ក៏ដូចជា​រិះគន់​ជាខ្លាំង​ចំពោះ​បទ​ចម្រៀងមួយបទមាន​ចំណងជើង​ថា​“អ្នក​ព្រៃវែង​អាក្រក់​ត្រង់ណា”​ ដែល​ជាស្នាដៃនិពន្ធ ច្រៀង និងដឹកនាំផលិតដោយលោក សយ រតនា​ ក្នុង​ផលិតកម្ម​មរតក​មេឌៀ។

ជាក់ស្តែង សូម​ជម្រាប​ថា​ ក្នុង​អត្ថន័យ​ MV​ បទចម្រៀង “អ្នក​ព្រៃវែង​អាក្រក់​ត្រង់ណា”​ គឺបានបង្ហាញអំពីការ​បន្ទាបបង្អាប់ បង្កឲ្យមានការរើងអើសចំពោះប្រជាពលរដ្ឋនៅក្នុងខេត្តព្រៃវែង ធ្វើឲ្យមហាជនបានការមិនពេញចិត្តសូម្បីតែរដ្ឋបាលខេត្តព្រៃវែងក៏បានចេញលិខិតស្នើ ឲ្យក្រសួងធ្វើចំណាត់វិធានការតាមផ្លូវច្បាប់ចំពោះផលិតកម្មខាងលើផងដែរ។

ដោយឡែក នាល្ងាច​ថ្ងៃ​ទី​០៦​ ខែ​កក្កដា​ ឆ្នាំ​២០២០​ នេះ​ បេី​យោង​តាម​រយៈ​គេហទំព័រ​ផេក​ហ្វេសប៊ុក​របស់​លោក​ ហេង​ ឡុង​ ប្រធាន​សមាគម​សិល្បករ​ខ្មែរ​ បាន​ប្រាប់​ឲ្យ​ដឹង​ថា​៖«សន្និសីទកាសែតនៅក្រសួងវប្បធម៌ និងវិចិត្រសិល្បៈប្អូនទាំងពីរជាម្ចាស់ផលិតកម្ម និងម្ចាស់បទ អ្នកព្រៃវែងអាក្រក់ត្រង់ណា?ចេញមុខសុំទោសជាសាធារណៈ»។

យ៉ាងណាមិញ លោក​ សយ​ រតនា​ តាម​រយៈ​កិច្ច​សម្ភាសន៍​ជាមួយ​សារព័ត៌មាន​ តារាញូស៍​ បាន​ប្រាប់​អំពី​មូលហេតុ​ដែលលោក​និពន្ធ​បទនេះឡេីងមក​គឺមិនមាន​បំណងចង់​មេីលងាយ​ចំពោះ​អ្នក​ខេត្ត​ព្រៃវែង​នោះទេ​ ផ្ទុយ​ទៅ​វិញ​គ្រាន់​តែចង់​ដាស់តឿន​ទៅដល់​បុគ្គល​មួយ​ចំនួន​តូចឈប់​មាន​ទស្សនៈ​បែប​នេះ​បន្ត​ទៅ​ទៀត​ ខណៈ​ដែល​លោកផ្ទាល់ក៏ជាអ្នក​ខេត្ត​ព្រៃវែង​ផងដែរនោះ។សូមបងប្អូនទស្សនាវីដេអូខាងក្រោមនេះ។ ប្រភព៖ហ្វេសប៊ុក


សូមទស្សនាវីដេអូខាងក្រោមនេះ

Leave a Reply