ហ្វេនរឿងហុងកុងច្បាស់ជាស្គាល់ Ron ng វ័យ៤០ប្លាយ នៅតែអត់លិឍ ស្រីៗដាក់ពាក្យឲ្យហើយទៅ

ហុងកុង៖ អ្នកដែល​និយម ​គាំទ្រ​ភាព​យន្ត​ភាគ​របស់​ហុងកុង​ប្រាកដជា​ ធ្លាប់​បាន​ស្គាល់​រួចមក​ហើយ ​ពីតារាសម្តែងប្រុស ​​ដ៏ល្បីឈ្មោះ​​Ron Ng​ដែល​កន្លង​មក​​ធ្លាប់ ​​លេច​លឺ​ពាក្យចចាម​អារ៉ាម ​អំពី​ទំនាក់​ទំនងស្នេហា​ របស់លោក​ជា​មួយ​អ្នក​ក្រៅ​រង្វង់​សិល្បៈ ជា​ហូរហែរផងដែរ។

ក៏ប៉ុន្តែ ​បើ​​ទោះ​បីជា​បែបនេះពិត​មែន តែ​​រហូតមកទល់​ពេល​បច្ចុប្បន្ន​តារាប្រុស​រូប​នេះ ក៏​នៅ​តែ​Single មិនទាន់​រក​ឃើញ​ មនុស្ស​ស្រីដែល​សាក​សម​អាច​ធ្វើ​ឲ្យលោកសម្រេច​ចិត្ត ​ដឹក​ដៃ​ចូលរោងការ ​នៅឡើយនោះទេ។ ពោល​គឺRon Ng​ ​មិន​ទាន់​មាន​គម្រោង​ថា​ ចង់​រៀបការ​នៅ​ឡើយ​នោះទេ បើ​ទោះបីជា ​ឈាន​ចូល​ដល់​វ័យ​៤១​ឆ្នាំ ទៅ​ហើយ​យ៉ាងណាក៏ដោយ។

បន្ថែម​ពីនេះ​ Ron Ng​ ក៏​ធ្លាប់​បាន​បង្ហើប​ពី​ចិត្ត អ្នក​ម្តាយ​របស់លោក​បែបនេះ​ផងដែរថា​៖ បញ្ហាគឺថារាល់ថ្ងៃ ខ្ញុំត្រូវបានអ្នកម៉ាក់ជម្រុញឱ្យខ្ញុំ រៀបការហើយ​បង្កើត​កូន ​ឲ្យ​បាន​ឆាប់​ៗ ។ គាត់​លើកឡើង​ថា​ គាត់​មិន​អាច​រង​ចាំ​ អត់ធ្មត់បាន​យូរ​ទៀតនោះទេ ហើយ​គាត់​ចង់​បាន ​ចៅពរនៅក្នុងរយៈពេល ដ៏ខ្លីបំផុត។ ក៏ប៉ន្តែក្នុង​ពេលដែល​មាន មេរោគ រាលដាល ពាសពេញទីកន្លែង ខ្ញុំមិនអាចសូម្បីតែ ដើរចេញនៅតាមផ្លូវ ម៉ិចនឹ​ងអាច​ទៅ​​ស្គាល់​ មនុស្សស្រីណាបានទៅ​។ ម្យ៉ាង​វិញ​ទៀត ​ខ្ញុំ​ក៏​រវល់​ការ​ងារ​ គ្មាន​ពេលគ្រប់គ្រាន់​នឹង​ទៅស្គាល់ ឬទាក់​ទង​នឹងនរណាម្នាក់ឡើយ​​។

គួរ​ឲ្យ​ដឹង​ផងដែរថា​ តារាសម្តែងប្រុស​Ron Ng កើតនៅឆ្នាំ ១៩៧៩ ​បាន​បង្ហាញ​ខ្លួនជាលើកដំបូង​ ​ជាមួយ​នឹង​ប៉ុស្តិ៍ទូរទស្សន៍TVB នៅ​អំឡុងឆ្នាំ២០០០។ លោក​ធ្លាប់​បានធ្វើឱ្យទស្សនិកជន ចាប់អារម្មណ៍តាមរយៈ ការ​បង្ហាញ​វត្តមាន​នៅ​ក្នុង​ខ្សែភាពយន្ត ដ៏ពេញនិយមជាច្រើន​ដូចជា៖ Triumph In The Skies II Flying Tiger ព្រម​ទាំង​ខ្សែភាពយន្តល្បី ​ជា​ច្រើន​ទៀត​ផងដែរ៕

Leave a Reply