ពែកមី អតីត​កម្មករ​សំណង់​ អរគុណ ​គុណ​បុណ្យ​សិល្បៈ ​ធ្វើ​ឲ្យ​លោក​មាន​ឱកាស​ឈរ​ក្បែរ​ព្រាប សុវត្ថិ

ភ្នំពេញ​ ៖ ​តារា​កំប្លែង វិវឌ្ឍ​ខ្លួន​ចេញពី​កម្មករ​សំណង់ នាយ ពែ​កមី បាន​រំលឹក​ដឹងគុណ​ដល់​វិស័យ​សិល្បៈ ដែល​ធ្វើ​ឲ្យ​រូបលោក​អាច​ឈរ​ក្បែរ លោក​ព្រាប សុវត្ថិ កំពូល​តារា​ចម្រៀង​ប្រចាំ​ព្រះរាជាណាចក្រ​កម្ពុជា​នោះ។ តារា​កំប្លែង​មានឈ្មោះ​ពិត ចែម ចាន់​រ៉ា រូបនេះ បាន​បង្ហោះ​សារ​នៅ​មុន​នេះ​បន្តិច ភ្ជាប់​ជាមួយ​រូបភាព​ឈរ​ថត​ជាមួយ​កំពូល​តារា​ចម្រៀង​លោក​ព្រាប សុវត្ថិ​ដូច្នេះ​ថា «​កាល​នៅ​ធ្វើ​សំណង់ មិនដែល​គិត​ថា​បាន​ឈរ​ថត​ជិត​គាត់​ចឹ​ង​ទេ បាន​គុណបុណ្យ​សិល្បៈ​ហើយ ទើប​មាន​ថ្ងៃនេះ អរគុណ​បងប្អូន​ទាំង​អស់គ្នា»។

តាមរយៈ​រូបភាព​ថត​ជាមួយ​លោក​ព្រាប សុវត្ថិ ខណៈ​ដែល​ខ្លួន​ស្ថិត​ក្នុង​ឈុត​ជា​តួអង្គ​យក្ស​នោះ បាន​ធ្វើ​ឲ្យ​អ្នកគាំទ្រ មួយ​ចំនួន​បាន​លើក​សរសើរ និង​មួយ​ចំនួនទៀត ក៏បាន​បញ្ចេញមតិ​ផ្សេងៗ​គ្នា ក្នុង​ន័យ​លេងសើច​ផងដែរ។ ជាក់ស្ដែង​អ្នកគាំទ្រ បាន​បញ្ចេញមតិ​ដូចជា «​ឥលូវ​មិន​ត្រឹមតែ​ឈរ​ជិត​.​អាច​នឹង​បាន​ជល់​កែវ​គ្នា​ទៀត​»​។

«​គូរ​មុខ​យ៉ាងណា​ ក៏​មិន​ច្រឡំ​ពូ​ពែ​កមី​»​។ «​ថត​ជិត​បានតែ​ហាម​ស៊ី ណា​យក្ស​ណា​»​។ «​យក្ស​មុខ​កម្សត់​ម្ល៉េះ​បង​»​។ «​បាន​ថត​ជាមួយ​ហើយ​មុខយក្ស​ទៀត​បង​ហិ​ហិ​ហិ​»​។ «​បង​ពាក់​មី ស្អាត​ជាង បង​ព្រាប សុ​វ​ត្ថិ ដាច់​»​។ « មួយ​ម៉ាត់​ណា ក៏​រំលឹក​រឿង​ធ្វើ​សំណង់​ដែរ ម៉ា​អា​បង​ពាក់​មី​…៕

Leave a Reply