មិនធម្មតា! តារាចម្រៀងអ្នកឱក សុគន្ធកញ្ញា និងស្វាមីបបួលគ្នា​ប្រណាំងឡាន​នៅកន្លែងពិសេសមួយ (មានវីដេអូ)

ភ្នំពេញ ៖ ជឿជាក់ពុកម៉ែបងប្អូនជាច្រើនបានទទួលជ្រាបច្បាស់ហើយថាក្រោយពីរៀបអាពាហ៍ពិពាហ៍ និងទទួលបានបុត្រ​ម្នាក់ឈ្មោះ អ៊ឹង បញ្ញាបុត្រ ជាចំណង​ដៃរួចមក​ គេ​សង្កេតឃើញថាជីវិត​កំពូល​តារា​ចម្រៀងស្រី​ប្រចាំផលិតកម្ម​ហង្សមាសពោរពេញដោយ​សេចក្តីសុខ។

ជាក់ស្តែង ឱក សុគន្ធកញ្ញា មាន​សព្វ​អ្វី​ៗ ពោល​គឺ ទាំង​ការងារ មុខ​របរ​អាជីវកម្ម ស្វាមី ទាំង​កូន និង​ទ្រព្យ​សម្បត្តិ អាច​និយាយ​បាន​ថា នាង​មានជីវភាព​សម្បូរ​សប្បាយ​ឥត​ខ្វះ​ឡើយ។ តួយ់ាងក្រៅ​ពី​ការងារ​សិល្បៈម្ចាស់បទ “អាណិតបេះដូង” ​មាន​អាជីវកម្ម​លក់និង​ចែក​ផលិតផល​ថែ​រក្សា​សម្រស់​ម៉ាក “ASK” ដែល​ជា​ឈ្មោះ​របស់​នាង​តែ​ម្ដង។

ដោយឡែក ថ្មីៗនេះក្នុងឱកាសគម្រប់ខួបអាពាហ៍ពិពាហ៍១ឆ្នាំ​ ប្តីប្រពន្ធ​មួយគូ​នេះ​បាន​ដឹកដៃគ្នា​រួមទាំង​កូន​ទៅ​ថត​រូប​ទុកជាអនុស្សាវរីយ៍ អមនឹងទេសភាពស្អាតៗគួរឱ្យចង់គយគន់។

ក្នុងនោះដែរ មុននេះបន្តិច​តាមរយៈបណ្តាញ​សង្គម​របស់​តារា​ស្រីម្ចាស់បទ “មានក្តីសុខហើយមែនទេ?” បានបង្ហោះ​ទីតាំង​ប្រណាំងឡានមួយកន្លែងក្នុង​ស្រុកសំរោងទង ខេត្ត​កំពង់ស្ពឹអមនឹងរូបភាពស្រស់ស្អាត និងឆ្លៀតបបួល​ស្វាមី​ចូលលេង និង​ប្រណាំងឡាន​តែ​ម្តង។

«គ្មាន​គម្រោង​ ថាជិះឡានមើលទេសភាព ស្រាប់តែ​ដល់កន្លែងលាក់ខ្លួនមួយ​ដែល​ស្អាត​ហើយមានរបស់​លេង​ដែល​ខ្ញុំ​ចូល​ចិត្ត និយាយ​ទៅមិនមែនតែខ្ញុំទេប្តីខ្ញុំដែរ ចឹង​បបួល​គ្នា​ប្រណាំង​តែម្ដង​»។ សារ​ដែល ឱក សុគន្ធ​កញ្ញា បង្ហោះមុននេះ៕សូមទស្សនាវីដេអូខាងក្រោមនេះ។​ ប្រភព៖ណាំតូ

សូមទស្សនាវីដេអូខាងក្រោមនេះ

Leave a Reply